潮流興0靚模，總之有樣有身材肯露，就會受萬千毒男龍友愛戴。近日這股「0靚模風」吹到內地，不過她們同香港的0靚不同，只賣產品不賣身材，好似近期有網站大搞手機模特兒比賽，找來 4 個年輕少女與至愛手機匹配，互相襯托女人味與手機美！

其中一位叫「CICI」的「手機美女」，攜同 LG GD900 一同大擺「甫士」影相。任職兼職模特兒的 CICI 好鍾意影相，GD900 的 800 萬像鏡頭正好拍攝高質素相片，而且拍攝介面時尚，並有手動對焦、微距拍攝和臉部對焦等功能，使用非常方便。

除了 CICI，另外 3 個「手機美女」分別是「天真、可愛和孩子氣」的少吟，她與 Sharp 手機一同登場，以手機的可愛造型突出少女味。另一位是具「淑女、端莊和有女人味」氣質的 Lala，最後一位是「性感、成熟和有個性」的小倩。

時下許多數碼產品展覽或活動，都有 image girl 比賽，由靚女展示相關電子產品。如果手機都有這種比賽就好了，試想想，十幾個0靚模拿著 Nokia、Sony Ericsson、Samsung 同 LG 等品牌的手機大擺甫士，應是一個很熱鬧的場面！